Stefan Octavian Gheorghe, sem oft hefur verið sagður fyrsti íslenska klámstjarnan, segir frá því í viðtali við Morgunblaðið að hann hafi ákveðið að söðla um þegar hann hætti með unnusta sínum. Við það fór hann að einbeita sér meira að starfi sínu sem fylgdarsveinn í Las Vegas.
„Líf mitt tók rosalega U-beygju þegar ég sleit sambandi okkar,\" segir hann við Morgunblaðið og bætir við að hann sé enn að vinna í sínum mákum eftir sambandsslitin.
Hann segir að hann starfi nú mikið í fylgdarþjónustu og sinni með fram því verkefnum í klámiðnaðinum. Stefán segir að viðskiptavinir hans séu þeir sem kaupi af honum þjónustuna sé oft háttsett fólk sem starfi hjá bandaríska ríkinu og fólk sem á mikinn pening en sé einmana.
„Það er háttset fólk hjá bandaríska ríkinu sem kaupir þjónustu af mér. Þú getur farið út að borða, þú getur farið í ferðalag með einhverjum. Þetta er rosa oft einmana fólk sem á allt of mikið af peningum. Stundum hitti ég gifta einstaklinga sem eru í feluleik en komast ekki út úr skápnum vegna ótta.“
Verkefnin segir hann líka vera mismunandi og allt frá því að fara út að borða yfir í að fara í skemmtiferðasiglingu.
„Það var rosa gaman,\" segir Stefan og bætir við að sá sem bauð honum í siglinguna hafi ekki viljað neitt kynferðislegt. „Hann vildi bara félagsskap.“
