Í skýrslu starfshóps um umfang skattsvika á Íslandi sem birt var árið 2004 kom t.d. fram að hraða þyrfti setningu svonefndra ákvæða sem á ensku heita Controlled Foreign Companies í íslenska skattalöggjöf. Þetta er rifjað upp á bls. 34 í skýrslu um eignir Íslendinga á aflandssvæðum sem birt var hinn 6.1. sl. Nánar á www.fjarmlalaraduneytid.is
Þetta bar að gera til að koma í veg fyrir möguleg skattasvik með stofnun aflandsfélaga í skattaskjólum. Þrátt fyrir þessi tilmæli árið 2004 virðist sem íslensk stjórnvöld hafi á þeim tíma haft um það efasemdir að nauðsyn væri á slikri löggjöf. Þá sat ráðuneyti Halldórs Ásgrímssonar. Geir H. Haarde var fjármálaráðherra.
Í vefriti fjármálaráðneytisins frá 3.ágúst árið 2006 er grein þar sem þetta er rætt undir þessari fyrirsögn: „Þörfnumst við CFS-löggjafar?“ Greining skýrir að nokkur leiti ástæður þess að ekki væri þörf á að setja í íslensk lög CFC-ákvæði. Vaxandi alþjóðavæðing með frjálsum fjármagnsflutningi var sögð raska þessari grunnreglu. Ekki hvað síst þegar hinar auðflytjanlegu fjármagnstekjur eigi í hlut. Áhöld séu því um að sérstök CFC-löggjöf sé nauðsynleg á Íslandi.
Greinar í þágildandi tekjuskattslögum voru sagðar gegna sambærilegu hlutverki og CFC-löggjöf annarra ríkja. Árið 2006 sat ráðuneyti Geirs H. Haarde og fjármálaráðherra var Árni Mathiesen. Nánar á www.fjarmlalaraduneyti.is
Þetta er rifjað upp hér vegna fullyrðinga Bjarna Benediktssonar forsætisráðherra um að ekkert sérstakt bendi til þess að stjórnvöld hafi látið undir höfuð leggjast að setja CFC-reglur á Íslandi. Nánar á www.stundin.is
