Fresta leitinni fram á morgundag

Björgunar­sveitir Suður­lands og Reykja­víkur leituðu árangurs­laust að Rimu Grun­skyté Feli­ksas­dóttur síðustu daga en ákváðu í gær að fresta á­fram­haldandi leit fram á fimmtu­dag.

Lög­regla hóf leitina á Þorláksmessu og voru björgunar­sveitir að fram á kvöld í gær­kvöldi. Ekkert hefur spurst til Rimu rá því síðast­liðið föstu­dags­kvöld. ­Ákveðið var að leita á­fram í dag en talið er að hún hafi fallið í sjóinn við Dyr­hóla­ey síðast­liðinn föstu­dag.

Í gær var leitað var með fram strand­lengjunni frá Þor­láks­höfn að Skaft­ár­ósum. Einnig var leitað við Dyr­hóla­ey, fót­gangandi og með drónum. Þyrla Land­helgis­gæslunnar að­stoðaði björgunar­sveitar­fólk einnig við leitina.

Lög­reglan óskar eftir því að hver sá sem hafi ein­hverjar upp­lýsingar um ferðir Rimu frá því síðast­liðinn föstu­dag klukkan 19:00 setji sig í sam­band við lög­reglu, annað hvort á net­fangið sudur­land@log­reglan.is eða í einka­skila­boðum á Face­book.