Landsmenn fögnuðu nýju ári með friði og spekt og eru varla sögð tíðindi af slagsmálum eða grófum drykkjulátum þrátt fyrir gleðina alla sem sækir Íslendinga heim á áramótum. Nokkur slys urðu af völdum flugelda, en engin alvarleg.
Þetta virðist vera samdóma álit lögreeglumanna hringinn í kringum landið. Friðurinn þýddi þó ekki það að minna væri sprengt en fyrri árin, þvert á móti var himininn yfir landinu marglitur í meira lagi, en einna síst sást til fegurðarinnar á suðvestanverðu landinu þar sem gerði byl á tólfta tímanum.
Úrkomubakkinn sem spáð hafði verið að kæmi yfir höfuðborgarsvæðið á miðnætti gekk þannig eftir, fólki til misjafnrar skemmtunar.
Færð spilltist nokkuð fyrir vikið í efri byggðum og bar talsvert á því að fólk yfirgæfi bíla á Hellisheiði sem ratað höfðu í vandræði sakir óveðurs.
