Guðfinna Jóhanna Guðmundsdóttir, borgarfulltrúi Framsóknarflokks, segir flokkinn tilbúinn til þátttöku í ríkisstjórn. Hún segir flokkinn ekki klofinn.
Hún segir formannskjörið vissulega hafa tekið á en óttast ekki að eftrirmálar þess vegna muni skaða flokkinn. Guðfinna segir ótímabært að krefjast ráðherrasætis, jafnt fyrir Sigmund Davíð Gunnlaugsson, sem hvern annan.
Þetta kemur fram í Þjóðbrautarþætti kvöldsins, sem er á dagskrá klukkan 21:00.
Gunnar Alexander Ólafsson, en hann er einnig gestur í þættinum, segir að eðlilega verði Sigmundur Davíð ráðherra fari Framsóknarflokkurinn í ríkisstjórn. Hann nefndi nokkur rök fyrir þeirri skoðun sinni, svo sem reynslu af ráðherradómi og þeirrar þekkingu sem hann býr yfir.
Gunnar Alexander er félagi í Samfylkingunni. Hann lýsir trausti til Loga Einarssonar núverandi formanns Samfylkingarinnar.
