Einn mikilvirkasti og yddaðasti penni landsmanna, Jónas Kristjánsson vandar íslenskum dómstólum ekki kveðjurnar í tilefni af umdeildum sýknudómi í í meintu nauðgunarmáli og líkir þeim við brenglaða réttlætiskennd í Sádi-Arabíu.
\"Fimm ungir raðnauðgarar voru sýknaðir af nauðgun, en sá sem myndaði nauðgunina, fékk dóm,\" skrifar hann á jonas.is í gær: \"Virðist frekar sádi-arabískt, þótt dómarar á þeim slóðum megi tæpast dæma slompaðir,\" bætir hann við.
\"Líklega er sjúklegt rétta orðið. Stúlkan var í losti og varðist því ekki, sem er lagt henni til lasts. Erfitt er að telja sér trú um, að þetta hafi verið samfarir með samþykki. En dómarar eru til alls vísir og geta haft auðugt ímyndunarafl. Altjend juku þeir ekki traust á dómstólum. Sönnunargögn gilda ekki lengur, hvað þá orð gegn orði.\"
Og niðurstaða hans er skýr: \"En þið vitið það núna, fráleitt er að kæra nauðgun á Sádi-Íslandi 2015. Berðu harm þinn í hljóði, risaeðlurnar ráða.\"
