Frá ætt­sveit Davíðs Odds­sonar koma 5% allra dómara landsins

Jóhann Þor­varðar­son, á Miðjunni, bendir á afar á­huga­verða stað­reynd um fjöl­skyldu­hagi Davíðs Odds­sonar, rit­stjóra Morgun­blaðsins og fyrr­verandi Seðla­banka­stjóra. Þaðan koma 5% allra dómara landsins.

Hann bendir á að sam­kvæmt stjórnar­skránni eigi dóm­stólar að vera ó­háðir og ó­hlut­drægir. Dómur MDE frá því í gær um hluta­fjár­eign dómara taki ein­mitt mið af þessu á­kvæði stjórnar­skrárinnar.

„Frá ætt­sveit Davíðs Odds­sonar koma 5% allra dómara landsins. Tveir eru börn bróður Davíðs þau Börkur Þor­valds­son dómari við Hæsta­rétt og Her­vör Þor­valds­dóttir for­seti og dómari við Lands­rétt.

Síðan er það einka­sonur Davíðs hann Þor­steinn sem dæmir við Héraðs­dóm Reykja­ness. Þannig að fjöl­skyldu­tengsl Davíðs ná yfir öll dóm­stigin þrjú. Það gætu verið um meiri ættar­tengsl, en þá þekki ég ekki til þeirra.“

Hann bendir á að um sé að ræða 0,0008% lands­manna. „Þannig að vægi fjöl­skyldu Davíðs er rúm­lega 6 þúsund falt á við þá fjöl­skyldu sem engan dómara hefur innan dóms­kerfisins.“

Hann spyr að lokum:

„Er þessi skipan eitt­hvað eðli­leg og er hún í anda Stjórnar­skrár landsins?“