Fólk með þroskahömlun beygir hí

Steinunn Ása Þorvaldsdóttir, fyrrum nemendi í starfstengdu diplómanámi fyrir fólk með þroskahömlun við Háskóla Íslands kveðst vera afskaplega stolt af þeirri ákvörðun forráðamanna háskólans að halda sameiginlega athöfn fyrir alla diplómanema á Menntavísindasviði. Áður var útskrft fólks með þroskahömlun aðskilin útskrift annarra.

„Þetta er besta niðurstaðan sem við gátum komist að,“ segir Steinunn í samtali við visir.is í dag, en hún barðist ötullega að því fyrir tveimur árum að útskriftarárgangur sinn fengi að sækja hefðbundnu útskriftarathöfnina í Laugardalshöll. Háskóli Íslands taldi það ekki möguleika þar sem að á grundvelli jafnréttissjónarmiða yrðu þá allir þeir sem útskrifast með gráðu úr diplómanámi að fá að vera viðstaddir athöfnina. Það eru fleiri hundruð einstaklingar. Diplómanemar í starfstengdu námi fyrir fólk með þroskahömlun bentu aftur á móti á að þeir hafi ekki færi á að sækja sér æðri menntagráðu og því gildi ekki sömu sjónarmið um þá og aðra diplómanema. Þeir eru aðeins 12 talsins og teknir inn annað hvert ár.