Flugvél WOW air, TF-PRO, sem er stödd í Montreal í Kanada, var kyrrsett að beiðni leigusala vélarinnar í gær. Vélin átti að ferja farþega til Íslands í gærkvöldi en farþegum sem áttu far með vélinni var tilkynnt að vegna „tæknilegra örðugleika“ yrði fluginu frestað þar til nú í kvöld. Mbl.is greinir frá.
Í nótt var önnur vél frá WOW air, TF-DOG, send til Montreal svo unnt sé að ferja fólkið til Íslands í kvöld. Samkvæmt Mbl.is er ekki ljóst hvort WOW air takist að losa vélina að nýju með greiðslu til Jin Shan 20 Ireland Company Limited, eiganda vélarinnar.
WOW air er sagt hafa misst nýtingarréttinn á TF-PRO vegna brota á samningsskilmálum og Mbl.is hefur heimildir fyrir því að Jin Shan 20 hafi komið vélinni í verkefni annars staðar.
