Gjaldið sem við greiðum fyrir lyf og læknisþjónustu er eitt af stærstu hagsmunamálum allra landsmanna. Hvað sjúkratryggingar borga og hvað við svo þurfum að láta úr eigin vasa.
Fyrsta maí síðastliðinn tók gildi nýtt greiðsluþátttökukerfi fyrir heilbrigðisþjónustu. Sérstök umræða var á Alþingi í gær um málið. Málshefjandi var Elsa Lára Arnardóttir Framsóknarflokki, og Halldóra Mogensen, Pírötum tók þátt í umræðunni. Þær sitja báðar í velferðarnefnd Alþingis og Elsa Lára nú annað kjörtímabilið í röð.
Þær mæta til Lindu á Þjóðbraut í kvöld og gagnrýna meðal annars að göfug markmið sé að finna í nýju kerfi en fjármagnið sé ekki til staðar. Þær fagna því þó að núna taki kerfið líka til þeirra sem þurfa talþjálfun og sjúkraþjálfun. Það tekur hins vegar ekki til lyfjakostnaðar, ferðakostnaðar, tannlækninga og sálfræðikostnaðar. Megin kostur nýs kerfis er 70 þúsund króna þak á kostnað við heilbrigðisþjónustu sem tekur mikið tillit til mikið og langveikar einstaklina.
Helstu breytingar með nýju kerfi er lægra greiðsluþak notenda í heilbrigðisþjónustu og mun hópur langveikra og þeirra sem kljást við t.d. krabbamein njóta helst góðs af breytingunum. Næsta víst er að kostnaður hjá meðal notandanum í heilbrigðiskerfinu verður hærri.
Hlutverk heilsugæslunnar verður aukið og tilvísanakerfi sett á en benda bæði Elsa Lára og Halldóra á að heilsugæslan hafi enga burði til að taka við því hlutverki eins og er.
