Fjármálaráðherra er ekki mjög bjartsýn á að gjald fyrir akstur um Vaðlaheiðargöngin dugi til að greiða upp fimmtán til sautján milljarða lánveitingu ríkisins til gangagerðarinnar. Þetta kom fram í gær í viðtölum fjölmiðla við Benedikt Jóhannesson fjármálaráðherra.
Með frumvarpi sem lagt er fyrir Alþingi er gerð tillaga um heimild til lánveitingar úr ríkissjóði til að fjármagna gerð jarðganga undir Vaðlaheiði verði aukin um allt að 4,7 milljarða króna en það er sú upphæð sem nú er áætlað að þurfi til að ljúka gerð ganganna.
Á árinu 2009 var gerður stöðugleikasamningur til að stuðla að endurreisn efnahagslífsins. Þar var gert ráð fyrir fjármögnun úr rikissjóði til Vaðlaheiðarganga en til skamms tíma þó.
Leita átti á almennan markað með langtímafjármögnun. Lagt var til grundvallar að Vaðlaheiðargöng og fjármögnun þeirra yrði rekstralega sjálfbær með innheimtu veggjalds.
Nú segir fjármálaráðherra að hann efist um gjaldið dugi til. Hluthafar í Vaðlaheiðargöng hf neita að leggja félaginu til aukið hlutafé. Framkvæmdum verður ekki lokið nema ríkissjóður láni félaginu.
Samfélagslegur ávinningur sem stefnt var að er í hættu ef ekki er lokið við gerð gangana.
Svo lengi sem áætlanir um göngin standast að mestu mun ríkissjóður að öllum líkindum endurheimta þessa viðbótarfjármögnun.
Þá hefur óvissa aukist um hversu mikill hluti af upphaflegri lánveitingu ríkissjóðs fáist endurgreiddur með auknum kostnaði mið við upphaflegar áætlanir.
rtá
Nánar www.althingi.is
