Fasteignir allra trúfélaga á Íslandi, þar með talin þjóðkirkjan, eru samkvæmt lögum undanskilin fasteignaskatti. Væru þessi lög ekki til staðar myndu trúfélög á Íslandi greiða um 340 milljónir króna á ári í fasteignaskatt. Fasteignamat allra bygginga í eigu trúfélaga á Íslandi er í heild um 21,5 milljarðar króna. Heildarmat fasteigna sem eru undanþegnar fasteignaskattinum hljómar upp á tæpa 43 milljarða króna. Stundin greinir frá þessu.
Andrés Ingi Jónsson, þingmaður Vinstri Grænna, spurðu Sigurð Inga Jóhannsson, samgöngu- og sveitarstjórnarráðherra, á Alþingi hvert væri fasteignamat allra fasteigna sem væru undanskildar fasteignaskatti. Þá spurði Andrés einnig hver upphæð skattsins væri ef undanþágan væri ekki til staðar.
Í svari Sigurðar Inga kemur einnig fram að safnhús og hús erlendra ríkja og alþjóðastofnana væru einnig undanþegin fasteignaskattinum. Voru safnhús ekki með undanþágu frá fasteignaskattinum myndu þau greiða 232 milljónir króna, en fasteignamat allra safnhúsa á landinu er um 14,8 milljarðar króna. Þá eru fasteignir erlendra ríkja og alþjóðastofnana metnar á rúma 6,7 milljarða króna og væri fasteignaskatturinn af þeim um 68 milljónir króna. Allar fasteignir erlendra ríkja og alþjóðastofnana eru staðsettar í Reykjavík.
