Eyþór endurgreiddi ms styrkinn

Eyþór Arn­alds, odd­viti Sjálf­stæðis­flokks­ins, hef­ur end­ur­greitt MS þær 200 þúsund krón­ur sem fram­boð hans í leiðtoga­kjöri flokks­ins hlaut frá fyr­ir­tæk­inu í styrk, að því er fram kemur á vef Morgunblaðsins.

Að sögn Eg­ils Sig­urðsson­ar, for­manns stjórn­ar MS, fékk Eyþór styrk­inn fyr­ir mis­tök eða mis­skiln­ing. Nokk­ur óánægja ríkti með styrk­inn á Face­book-síðu kúa­bænda og gagn­rýndu marg­ir þeirra ákvörðun­ina um að veita hann.

Styrk­veit­ing­in fór ekki fyr­ir stjórn MS og var því ekki samþykkt af henni. „Svona pen­inga­styrk­ir hafa ekki tíðkast frá okk­ur til stjórn­mála­flokka eða stjórn­mála­starfs á und­an­gengn­um árum eða langt ára­bil,“ seg­ir Eg­ill, sem kveðst hafa farið yfir málið og seg­ir það eins­dæmi í fyr­ir­tæk­inu.

Hann bæt­ir við, í samtali við mbl.is að Eyþór hafi sjálf­ur haft sam­band við MS og end­ur­greitt styrk­inn í morg­un.