Eyrúnu hótað morði: „verst þegar farið var að hringja heim og angra börn­in mín“

„Hat­ur­stján­ing gref­ur und­an lýðræði og jaðar­set­ur minni­hluta­hópa. Með hat­ursorðræðu eru ákveðnir hóp­ar beitt­ir þögg­un meðal ann­ars með of­beldi og eða hót­un um of­beldi.“

Þetta segir Eyrún Eyþórs­dótt­ir. Eyrún stýrði þró­un­ar­verk­efni lög­regl­unn­ar á höfuðborg­ar­svæðinu varðandi hat­urs­glæpi- og tján­ingu á ár­un­um 2016 og 2017. Fljót­lega eft­ir að það hófst fóru henni að ber­ast hót­an­ir. Frá þessu er greint á vef Morgunblaðsins en Eyrún opnaði sig um þetta á fundi um mörk hat­ursorðræðu, tján­ing­ar­frelsi og meiðyrði á mann­rétt­inda­degi Reykja­vík­ur­borg­ar í morg­un. Verkefni Eyrúnar sneri að hópum sem hafa átt undir högg að sækja í samfélaginu og um leið og fyrstu fréttir birtust fór að bera á hótunum og hún verið persónugerð vegna pólitískra skoðana en Eyrún hefur lengi verið í Vg. Eyrún segir við Morgunblaðið:

„Ég var jafn­vel sökuð um að vera í póli­tísk­um til­gangi en aldrei horft á að mér var falið þetta verk­efni af mín­um yf­ir­mönn­um, lög­regl­unni á höfuðborg­ar­svæðinu. Þetta byrjaði á alls kon­ar um­mæl­um á kommentakerfum, á ákveðinni út­varps­stöð og síðan var eins og sett hafi verið á mig einskon­ar veiðileyfi, þannig upp­lifði ég það.“

Þarna á Eyrún við Útvarp Sögu en Pétur Gunnlaugsson var seint á árinu 2016 ákærður fyrir hatursorðræðu. Pétur sem stýrir þættinum Línan er laus taldi að um aðför að stöðinni væri að ræða. Hlustendur voru einnig afar ósáttir en Pétur kvaðst ranglega sakaður um hatursumræðu og útbreiðslu haturs gegn samkynhneigðum.

„Ég ber ekki ábyrgð á því sem fólk segir í símatíma,“ sagði Pétur sem einnig var sakaður um að að útvarpa hatursumælum hlustenda en hann var síðar sýknaður. Fékk Eyrún sinn skerf af gagnrýni á Útvarpi Sögu.

Eyrún kveðst í kjölfarið hafa fengið margar hótanir á netinu og helst á samfélagsmiðlum. Hafði þetta mikil áhrif á sálarlíf Eyrúnar.

„Morðhót­an­ir voru sett­ar fram og mér til­kynnt um þær. Þetta veld­ur því að maður verður hugsi um hvað maður sé að gera. Hugs­ar áður en maður ger­ir eitt­hvað og velt­ir fyr­ir sér hver viðbrögðin verði. Þá verður þetta hamlandi í starfi þar sem þú átt að ganga fram.“

Þá segir Eyrún einnig hafa upplifað óöryggi og hugsað hvort það væri einhver þarna úti sem vildi drepa hana eða áreita börnin hennar.

„Fyr­ir mitt leyti var verst þegar farið var að hringja heim og angra börn­in mín. Þá hugsaði ég hingað og ekki lengra. [...]Þetta reyn­ir mikið á sál­fræðilega því maður er alltaf var um sig.“