Brakið mjög líklega úr mh-370

Áströlsk flugmálayf­ir­völd telja nær fullvíst að flug­véla­brakið sem fannst í gær á Ind­lands­hafi sé brot úr þotu malasíska flugfélagsins sem hvarf í mars í fyrra með 239 manns um borð. Brakið hefur þá rekið með hafstraumum um það bil 5000 kílómetra leið.

Um er að ræða tveggja metra langt stykki, mögu­lega úr stýrisvæng vélarinnar. Brakið fannst á strönd La Reuni­on á Indlandshafi í fyrradag og vöknuðu strax von­ir um að eitt dularfyllsta hvarf flug­sög­unn­ar væri að leys­ast. Það virðist vera að ganga eftir. 

Brakið var sent til Frakk­lands til frek­ari rann­sókn­ar: \"Við erum nán­ast sann­færðir um að brakið er úr MH370,“ seg­ir Mart­in Dol­an, yf­ir­maður sam­göngu­stofu Ástralíu sem seg­ir að lög­un hlut­ar­ins sem fannst geti vart verið af ann­arri þotu­teg­und en Boeing 777.

Dol­an seg­ist von­ast til þess að þetta verði ljóst inn­an sól­ar­hrings en marg­ir sér­fræðing­ar segja að brakið sé úr væng Boeing 777, svo kallaður flapsi,flaperon á ensku, og ef svo er þá geti vart verið um aðra vél að ræða en flug MH370.