Augljóst mynstur er í fléttum Ólafs Ólafssonar þegar einkavæðing Búnaðarbanka Íslands hf. er skoðuð segir Björn Jón Bragason.
Í tímariti Sögufêlagsins frá árinu 2011 skrifaði Björn Jón grein um sölu bankans. Ári síðar skrifaði Björn Jón grein í tímaritið Þjóðmál. Greinin var um falið eignarhald Ólafs Olafssonar í kjölfar Al-Thani ákærunnar.
Í viðtali í dag í Fréttablaðinu segir Björn Jón: \"Mér fannst þegar ég var að skrifa um þetta á sínum tíma ég sjá ákveðið mynstur. Það var augljóst sem hefur svo komið á daginn.\"
Björn Jón Bragason er sagnfræðingur og lögfræðingur og er höfundur fræðigreina um markverða atburði í nútímasögu Íslands. Hann skrifaði auk þess merka bók um Hafskipsmálið.
Björn Jón er í hópi þeirra sem hafa sögu að segja um Ólaf Ólafsson. Þær sögur eru ekki byggðar á getgátum heldur á heimildar vinnu og rannsóknum.
Nú er þess beðið að Ólafur Ólafsson annað hvort þegi þunnu hljóði eða segi frá sinni hlið á málinu á trúverðugan máta en fari ekki undan í flæmingi.
Þá er þess að vænta að talsmenn Framsóknaflokksins leggi orð í belg. Einkum þeir sem gegndu trúnaðarstöðum fyrir flokkinn á þessum árum. Menn eins og Jón Sigurðsson fyrrverandi formaður flokksins.
Rétt er að minna á að þegar Rannsóknarnefnd Alþingis vildi fá vitnisburð hjá ákveðnum mönnum þá neitudu þeir menn að mæta í skýrslutöku. Kom til dómsmála.
Nánar www.frettabladid.is og www.mbl.is
