Sagnfræðingarnir, Guðmundur Hálfdánarson, og Kolfinna Baldvinsdóttir, sögðu á Þjóðbraut í dag að útganga Breta úr ESB væri merki um breytt stjórnmál á Vesturlöndum, bæði í Evrópu og Bandaríkjunum. Hægri öfgaflokkar væru við stjórnvölinn og stjórnmálamenn eins og Donald Trump væru einni í Evrópuríkjunum. Guðundur sagði að innflytjendamálin væru þau sem hefðu mest áhrif á teljulægra fólk sem teldi sig tapa á innflytjendum. Kolfinna hefur yfirgripsmikla þekkingu á málefnum Evrópu og þekkir sambandið vel af störfum sínum erlendis. Hún hefur í átta ár starfað í Brussel, m.a. í þrjú ár hjá framkvæmdastjórn Evrópusambandsins. Hún benti á að Bretar gætu farið „svissnesku“ leiðina, það er, samið um einstök mál við Evrópusambandið eða „norsku“ leiðina sem væri í raun íslenska leiðin og sú væri að vera aðili að EES eingöngu.
Guðmundur taldi að sá kostur væri ómögulegur fyrir stórt ríki eins og Bretland, það væri leið smáríkja. Hann taldi að Bretar myndu heldur ekki hafa neinn áhuga á að vera í neinu sérstöku bandalagi með Íslendingum og að útganga Breta fæli ekki í sér nein tækifæri fyrir Íslendinga.
Kolfinna benti á að ESB umræðan hér á landi þyrfti alls ekki að verða neikvæðari. „Af hverju horfa menn ekki frekar til Skotlands eða Norður Íra“, benti hún á og að afstaða Englendinga þyrfti ekki að verða okkur neitt leiðarljós nema síður væri. Stór meirihluti Skota vildi vera áfram í sambandinu og staðan gagnvart Norður Írum er líka í nokkru uppnámi þar sem þeir vildu vera áfram í sambandinu.
Fordæmalaus kosning var haldin í Bretlandi á fimmtudaginn síðastliðinn og úrslit kosninganna verða afrifarík. Bretar kusu í þjóðaratkvæðagreiðslu að segja sig út úr Evrópusambandinu eftir að hafa verið þar í 43 ár. David Cameron, forsætisráðherra Bretlands hefur sagt af sér þar sem hann talaði fyrir veru Bretlands í sambandinu.
Minna menntaðir kjósendur og eldri kusu útgöngu en 75 prósent yngri kjósenda kusu að vera áfram í Evrópusambandinu. Breska þjóðin er klofin. Tæp 52 prósent vildu ganga úr ESB en 48 prósent vildu vera áfram.
