Í desember árið 1995, hálfu ári áður en Ólafur Ragnar Grímsson sigraði með yfirburðum í kosningu, fékk hann aðeins 4% fylgi í skoðanakönnun en Pálmi Matthíasson prestur fékk tæplega fimm sinnum meira fylgi eða 18,7%
Þetta rifjar Salvör Gissurardóttir fræðimaður og kennari upp á eigin fésbókarsíðu og vitnar í DV frá desember 1994 máli sínu til stuðnings. 1200 manns svöruðu þá skoðanakönnun DV og er óhætt að niðurstaða forsetakosninganna hafi orðið allt önnur en fyrirséð varð, skv. könnuninni, hálfu ári fyrr.
Í öðru sæti fyrir utan Vigdísi Finnbogadóttur sem þá þegar hafði sagt að hún yrði ekki í framboði oftar, ríkti mikil ánægja hjá íslensku þjóðinni með Guðrúnu Agnardóttur, lækni og fyrrum þingmann.
Spurt var: „Hvern vilt þú fá sem næsta forseta íslands?\" Alls tilgreindu þátttakendur í könnuninni þá 67 einstaklinga þegar þeir voru spurðir hvern þeir vildu sem næsta forseta.
„Af þeim sem tóku afstóðu nefndu 18,7 prósent séra Pálma Matthíasson. Nafn Vigdísar Finnbogadóttur nefndu 15,9 prósent og nafn Guðrúnar Agnarsdóttur nefndu 14,3 prósent. Næstir á eftir þremenningunum voru Davíð Oddsson með 7,2 prósent tilnefninga, Ólafur Ragnar Grímsson með 4,0 prósent tilnefninga og Ellert B. Schram með 2,8 prósent,“ segir í frétt DV sem lesa má í heild hér.
