Dómar voru í dag kl.14 kveðnir upp í Guðmundar-og Geirfinnsmálinu í endurupptöku málsins fyrir Hæstarrétti. Dómarnir varða fimm af þeim sex sem sakfelldir voru árið 1980 í málunum er varða hvarf mannanna og meint manndráp.
Þetta voru mál þeirra Sævars Ciesielski, Kristjáns Viðars Viðarssonar. Tryggva Leifssonar, Alberts Klahn Skaftasonar og Guðjóns Skarphéðinssonar. Mál er varðar rangar sakargiftir Erlu Bolladóttur var ekki tekið fyrir.
Fimmenningarnir voru allir sýknaðir af fyrri dómum.
Oddgeir Einarsson lögmaður Sævars Ciesielski og Jón Magnússon lögmaður Tryggva Rúnars Leifssonar hvers dagbækur höfðu mikil áhrif til þess að málið endaði í upptöku fyrir Hæstarrétti mæta til Lindu Blöndal í þættinum 21 í kvöld.
Málinu er ekki lokið með þessum dómi, eru þeir sammála um þótt stórt skref hafi verið tekið. Jón segir að einum dyrum hafði verið lokað en að sama skapi aðrar opnast. Um það voru Jón og Oddgeir á einu máli og meina þá að réttlætanlegt og nauðsynlegt sé að rannsaka hvernig rannsókn málsins var á sínum tíma en dómarnir féllu árið 1980.
