Allir vita að banani sem virðist vera þokkalega þroskaður að morgni getur verið orðinn grútlinur að kvöldi og harla ólystugur að sjá. En þessi ein trefjaríkasta og hollasta afurð náttúrunnar á það ekki skilið að fara óétin í ruslið.
Hér kemur ráðið; búið til bananakex samkvæmt einföldustu uppskrift í heimi, en innihaldið eru tveir þroskaðir bananar og einn bolli af hörfræjum. Hrærið vel saman, mótið kúlur og fletið þær aðeins út eins og smákökur
Bakið við 170 gráður í 20 - 25 mínútur.
Verði ykkur að góðu og njótið með þeim sem ykkur þykir vænt um.
