Kraftaverkafólk: eiga hrós skilið fyrir að bjarga 30 hvölum - „þetta er verulega mikið afrek“ - sjáðu myndirnar

Hópur sjálfboðaliða vann kraftaverk þegar tókst að koma minnst 30 grindhvölum á flot en um 50 hvalir höfðu strandað í fjörunni. Um tuggu hvalir drápust í fjörunni. Björgunarsveitir af Suðurnesjum og af höfuðborgarsvæðinu ásamt sjálfboðaliðum tókst eins og áður segir að bjarga 30. Edda Elísabet Magnúsdóttir, sjávarlíffræðingur hrósar öllu þessu fólki. Í samtali við RÚV hrósaði Edda þeim sem komu til bjargar og:

„Þetta er verulega mikið afrek.“

Þá sagði Edda að skipti máli hvaða dýrum sé bjargað fyrst. Fyrst þarf að huga að kvendýrum. Edda segir:

„Ef þú tekur kálfana fyrst þá koma þeir aftur því þeir fara ekki án mæðra. Kvendýrin stýra hverri fjölskyldueiningu.“

Það var á tíunda tímanum í gærkvöldi sem óskað var eftir aðstoð björgunarsveita. Þá þegar hafði fjöldi manns, sjálfboðaliðar reynt að koma hvölum á flot. Það er þó ekki hlaupið að því þar sem fullorðin dýr geta verið allt að tonn að þyngd. Þá geta hvalirnir borið í sér vírus sem smitast getur yfir í menn. Björgunarsveitarmenn notuðu dælur til að kæla hvalina og halda þeim rökum. Fjöldi fólks var á svæðinu og vildu margir hjálpa til en fengu ekki, þar sem verið var að fylgja eftir nýju verklagi þegar kemur að björgun hvala.