Egill Helg­a­son seg­ir upp Spot­i­fy: „Það sem er ó­geð­felld­ast í þess­u er ein­ok­un­ar­stað­a Spot­i­fy“

Sjón­varps­maðurinn góð­kunni Egill Helga­son hefur sagt upp á­skrift sinni að streymis­veitunni Spoti­fy. Egill greindi frá þessu á Face­book-síðu sinni í dag og sagði:

„Þá er ég búinn að segja upp Spoti­fy og fjar­lægja úr síma og tölvu. Er með App­le Music og bæti nú við Tidal. Vonandi sýnir þetta að tón­listar­menn geti breytt starfs­um­hverfi sínu með því að brýna raustina – og kannski standa saman.“

Með færslunni birtir hann graf sem sýnir greiðslur til tón­listar­manna frá ýmsum streymis­veitum en þar kemur skýrt fram hversu lítið Spoti­fy borgar til tón­listar­manna fyrir streymi af tón­list þeirra.

Styr hefur staðið um Spoti­fy undan­farna daga eftir að tveir heims­þekktir tón­listar­menn, þau Joni Mitchell og Neil Young, kröfðust þess að öll tón­list þeirra yrði fjar­lægð af streymis­veitunni. Ku þetta hafa verið gert í mót­mæla­skyni við hlað­varps­stjórnandann Joe Rogan sem hefur verið harð­lega gagn­rýndur fyrir að dreifa mis­vísandi upp­lýsingum um bólu­efni í þáttum sínum.

Ljóst er að á­kvörðun Egils um að hætta á Spoti­fy tengist þessum málum en hann segir þó það ó­geð­felldasta í málinu vera ein­okunar­stöðu sænska tón­listar­risans á tón­listar­markaði.

„Það sem er ó­geð­felldast í þessu er ein­okunar­staða Spoti­fy, hvað þeir borga tón­listar­mönnum miklar smánar­upp­hæðir meðan þeir geta borgað manni eins og Rogan griðar­legar fjár­hæðir fyrir rövl sitt. Og ég sem hélt að þetta væri tón­listar­veita. Þetta passar bara ekki. Svo er þetta bara hollt held ég, maður fer í aðra veitu og hún er öðru­vísi upp­sett og maður fer kannski að hlusta á nýja tón­list - ekki bara gömlu playlistana.“