\"Eftirspurnin er margfalt meiri en framboðið. Ef húsnæði er auglýst til leigu á sanngjörnu verði er eftirspurnin þrjátíu- til hundraðfalt meiri en framboð,“ segir Svanur Guðmundsson leigumiðlari hjá húsaleiga.is.
Rætt er við Svan í Morgunblaðinu í dag í ítarlegri umfjöllun þess um leigumarkaðinn á höfuðborgarsvæðinu. \"Fólk hefur gefist upp á að fá húsnæði leigt. Leiguverðið er yfirleitt það hátt að fólk ræður ekki við það,\" segir hann jafnframt. \"Leigumiðlun er að leggjast af. Leigusalar finna leigjendur á Facebook og leigja þeim milliliðalaust. Leigusalar stjórna markaðnum. Margir þeirra virða hvorki uppsagnarfrest né húsaleigulög.“
Svanur gagnrýnir að húsaleiga skerði eillífeyrisgreiðslur. Því fái eldra fólk lítið sem ekkert fyrir að leigja út ónotað húsnæði. Þetta þurfi að laga til að auka framboð leiguhúsnæðis.
Í blaðinu segist Jóhann Már Sigurbjörnsson formaður Samtaka leigjenda á Íslandi vera nýbúinn að taka íbúð á leigu. Hann hafi upplifað það þrisvar að keppa við 50 aðra umsækjendur um íbúð.
Fram kemur að straumur erlendra ríkisborgara til landsins auki eftirspurnina.
