„Fyrir svona fjórum árum síðan var ég farinn að óttast um líf mitt, í hreinskilni sagt og ég var búinn að vera spá í því áður hvort einhver mygla væri að hrjá mig en ég var búinn að vera mjög slæmur í einhver ár,“ segir Vilmundur Sigurðsson, rafeindavirkjameistari, um veikindi sem hann upplifði vegna myglu í rúmdýnu.
Vilmundur sagði í viðtali á Fréttavaktinni að eftir átakanleg veikindi sem hann lýsir sem þreföldum eftirköstum COVID hafi hann komist að þeirri niðurstöðu að efnin í rúmdýnunni hans væru skaðleg.
„Ég var farinn að missa hárið og með miklar bólgur í líkamanum, liðverki og vefjagigtarverki með miklum nætursvita og nefstíflum,“ segir Vilmundur.
Með því að skipta út kodda og svampdýnu og fá náttúrulegri efni í staðinn varð heilsa Vilmundar miklu betri, útskýrir hann.
„Ég notaði bara útilokunaraðferðir eins og ég sem rafeindavirkjameistari er mjög vanur að gera það til að finna bilanir, segir Vilmundur.“
Sameiginleg einkenni
Hann er þó ekki einn um slíka reynslu. Um níu þúsund manns eru komnir í Facebook-hóp á Íslandi sem ber heitið Er rúmið mitt að drepa mig!!
Í Facebook-hópnum á fólk það sameiginlegt að svitna óeðlilega mikið í svefni, mjög margir eru með nefstíflur og kæfisvefn, hausverkir og að vakna jafn þreytt og þegar það fór að sofa, ofurþreyta og svona kulnunareinkenni- og sammerkt með mörgum þarna eru bólgur í líkamanum.
Hvort vísindalegar rannsóknir séu til sem styðji mál þessa fólks, um að svefnvörunum sé um að kenna krankleikana, segir Vilmundur að lítið sé til af því. Eftir 70 ár af notkun svampsefna virðist ekki hafa verið gerðar neinar alvöru vísindalegar eða opinberar rannsóknir. Hins vegar hafi bandarískir háskólar gert rannsóknir sem gefi vísbendingar um að í dýnum fyrir finnist skaðleg eftir, bætir Vilmundur við og Landlæknir segi að ekki sé neitt hægt að gera þar sem rannsóknir eru ekki fyrir hendi.
Viðtalið má sjá hér í heild sinni að neðan.
