Dorrit skammist sín og greiði skatt

Benedikt Sigurðarson, framkvæmdastjóri Búseta á Akureyri, telur að Dorrit, eiginkona Ólafs Ragnars Grímssonar forseta hafi svindlað sér inn á íslenska þjóð.
Um þetta hefur Benedikt ritað pistil.
Hann skrifar að Dorrit skuldi íslensku þjóðinni einlæga afsökunarbeiðni. Hún hafi ferðast á fyrsta farrými þjóðarinnar og sýnilega \"svindlað sér inn á þjóðina\". Þá hafi hún notið sviðsljóssins og forgangspassa. Dorrit virðist nýta sér \"\"AFLANDSREGLUR\" BRESKRA STJÓRNVALDA þannig að hún borgar hvergi skatt til réttra eða fullra skila.\"
Benedikt er þungorður í niðurlagi pistils síns þar sem hann ávarðar Dorrit: \"Hafðu skömm fyrir -- og sýndu örlitla sómakennd með því að biðjast afsökunar og leiðrétta með því að greiða íslenska skatta og skattsektir til að jafna undanskotin síðustu a.m.k fjögur ár.\"