Á fundi bæjarráðs, að því er fram kemur í frétt RÚV, voru einnig lagðar fram athugasemdir annarra verslana við komu Costco. Hörðust er gagnrýnin frá Finni Árnasyni, forstjóra Haga, fyrir hönd Bónus sem er með verslun í Kauptúni 3 - þar sem Costco á að vera.
Finnur segir í athugasemdum sínum að Bónus sé einn af frumbyggjum Kauptúns - skipulagsvinnan hafi ekki tekið til þess að Bónus reki nú þegar matvöruverslun á svæðinu og ætli að gera það áfram. Hann telur með öllu óásættanlegt að Costco fái að setja eitt stærsta hjólbarðaverkstæði landsins nánast í anddyri Bónus - það fari ekki saman að reka matvöruverslun og dekkjaverkstæði í því samneyti sem skipulagstillagan geri ráð fyrir.
Hann segir að dekkjaverkstæði með tilheyrandi óþrifum og lykt eigi ekki heima í verslunarmiðstöð og hann áréttar þá hættu sem fylgir slíkri starfsemi fyrir starfsfólk og viðskiptavini Bónus.
Hann gerir einnig athugasemdir við að Costco ætli að byggja forhýsi við hlið Bónus - það sé með öllu óásættanlegt að reynt sé að fela Bónus með þessum hætti. Skipulagsnefnd Garðabæjar segir í svari sínu við þessar athugasemd að vilji sé til þess að koma til móts við Bónus - til dæmis með því að heimila skilti á lóðinni.
Forskólfar Costgo stefna á að opna vöruhús sitt í Garðabæ á þessu ári. Þeir ætla einnig að reka þar bensínstöð sem verður sú stærsta á landinu.
