Borgun græðir á klámi og dufli

Stór­auk­in um­svif greiðslu­korta­fyr­ir­tæk­is­ins Borg­un­ar á er­lend­um markaði und­an­far­in ár má fyrst og fremst rekja til vafa­samra og áhættu­samra viðskipta sem önn­ur korta­fyr­ir­tæki vilja ekki sinna.

Þetta kemur fram á mbl.is í dag, en þar segir að for­svars­menn fyr­ir­tæk­is­ins hafi kynnt áform um út­rás á þenn­an markað fyr­ir eig­end­um sín­um. Lands­bank­an­um, sem var einn eig­anda á þeim tíma, hafi ekki hugnast þessi aukna áhætta og áherslu­breyt­ing.

Í fréttinni segir að meðal þess sem flokk­ist sem áhættu­mik­il viðskipti fyr­ir korta­fyr­ir­tæki sé færslu­hirðing fyr­ir klámviðskipti og fjár­hættu­spil. Slík áhættu­söm viðskipti hafi aukið veltu Borg­un­ar mikið síðustu ár.

Færslu­hirðing á net­inu hef­ur vaxið mikið und­an­far­in ár með fjölg­un not­enda á net­inu, að því er ennfremur kemur fram á mbl.is, en vefurinn bendir á að samhliða auk­inni versl­un í gegn­um netið hafi viðskipti sem flokk­ist sem áhættu­söm einnig auk­ist mikið.

Fyr­ir færslu­hirða séu viðskipti flokkuð í áhættu­söm viðskipti og þau sem teljist nokkuð ör­ugg. Meðal nokkuð ör­uggra viðskipta sé hægt að nefna venju­leg­an versl­un­ar­rekst­ur. Áhættu­sömu viðskipt­in flokk­ist svo upp í nokkuð áhættu­söm viðskipti og mjög áhættu­söm viðskipti.

Á ör­ugg­ari end­an­um megifinna ýmsa fjár­mála­gjörn­inga og færslu­hirðingu fyr­ir tölvu­leikja­geir­ann. Með því að færa sig nær óör­ugg­ari end­an­um komi svo fjár­hættu­spil og lyfja­sala á net­inu. Þar sé má meðal ann­ars finna viðskipti með Via­gra-töfl­ur auk þess sem mis­mun­andi lagaum­hverfi milli landa í tengsl­um við lyfjaviðskipti get­i aukið áhætt­una.