Borgarlína kostar 40 til 90 milljarða

Þverpólitísk og eindregin samstaða er um það meðal allra sveitarfélaganna á höfuðborgarsvæðinu að þétta byggðina á svæðinu á komandi árum og leggja um það léttlestar- og hraðvagnakerfi á næstu árum.

Nýtt svæðisskipulag höfuðborgarsvæðiðsins var kynnt í gær í Höfða að viðstöddum borgarstjóra og bæjarstjóra allra sjö svetarfélaganna frá Kjósarhreppi í norðri til Hafnarfjarðar í suðri. Markmið þess er að innan svæðisins þróist nútímalegt borgarsvæði þar sem almenningssamgöngur verði raunhæfur kostur fyrir fólk í þéttri byggð sem dreifist ekki lengur upp til fjalla heldur finni sér stað á óbyggðum svæðum innan marka höfuðborgarsvæðisins.

Einn liður í þessum uppbyggingaráformum er lagning Borgarlínu um höfuðborgarsvæðið, svokallaðs léttlestar- og hraðvagnakerfis, en áæltlaður kostnaður við það hleyp­ur á 40-90 millj­örðum króna. Val á leiðum hefur enn ekki verið ákveðið, en forráðsmenn sveitarfélagannaa segja að þar verði um öflugt samgöngukerfi að ræða sem tengi saman helstu byggðakjarnanna.

Dag­ur B. Eggerts­son borg­ar­stjóri lætur hafa eftir sér í Morgunblaðinu í dag að skipu­lagið marki tíma­mót, en þar séu lagðar lín­urn­ar fyr­ir skipu­lag og uppbyggingu í þeim sjö sveit­ar­fé­lög­um sem mynda höfuðborg­ar­svæðið. Ekki sé um að ræða eig­in­legt svæðis­skipu­lag, held­ur stefnu­mót­un um framtíðar­sýn næstu 25 árin: \"Það eru engu að síður lagðar býsna skýr­ar lín­ur um það hvernig byggðin á að þró­ast,“ seg­ir Dag­ur um skipu­lagið. „Hún á að þró­ast inn á við, hún á að vera í þágu lífs­gæða íbú­anna og leysa sam­göng­ur í aukn­um mæli með al­menn­ings­sam­göng­um með aðstöðu fyr­ir hjólandi og gang­andi þannig að það bæt­ist ekki öll viðbót­ar­byggðin í sama mæli inn á stofn­braut­irn­ar og stífli þær. Ein af grunn­for­send­um í skipu­lag­inu er að til 2040 muni bæt­ast við um 70 þúsund manns inn á höfuðborg­ar­svæðið og stóra verk­efnið í skipu­lag­inu er að koma því fólki fyr­ir þannig að það bitni ekki á íbú­un­um eða innviðunum.“