Björn Leví Gunnarsson, þingmaður Pírata, segir að ekki ætti að taka til greina Landsréttarreynslu dómaranna sem voru ólöglega skipaðir í Landsrétt þegar þeir sækja um nýju. Í grein sem Björn Leví skrifar í Morgunblaðiðí dag segir hann það vera fyrirsjáanlega niðurstöðu þegar dómararnir, sem voru á sínum tíma ólöglega skipaðir í Landsrétt, sækja um nýju í embættið.
„Ef skipun þeirra var ólögleg þá er reynsla þeirra einnig ólöglega fengin. Þetta er hvítþvottur sem enginn á að falla fyrir. Ef dómararnir hefðu strax sagt af sér og komið sem umsækjendur um nýjar stöður án ólöglegar reynslu, þá væri þetta ekki vandamál,“ segir hann.
„Vandamálið snýst nú um dómgreind. Hér er um að ræða dómara sem leggja sjálfir mat á eigið hæfi. Þessir dómarar vita að skipun þeirra var ólögleg en sitja samt sem fastast.“
Staðan sé nú þannig að óbreyttir borgarar þurfi að mæta fyrir þessa dómara og treysta á dómgreind þessara dómara til þess að leysa mál sín.
„Þremur dómaranna finnst í fína lagi að fá smá hvítþvott en einn er enn í leyfi.“
