Björn Bjarnason, fyrrverandi dómsmálaráðherra og borgarstjóraefni Sjálfstæðisflokksins, hefur lengi gagnrýnt fréttaflutning RÚV í gegnum tíðina, líkt og margra sjálfstæðismanna er siður.
Frá þessu er greint á vef DV. Hér má sjá fréttina í heild sinni.
Í gær gerir Björn frétt RÚV af mótmælum við komu Mike Pence, varaforseta Bandaríkjanna, að umtalsefni sínu. Hann gerir grín að þeim fjölda samtaka sem skipulagði mótmælin, segir að þau hafi verið fleiri þeir sem tóku þátt í þeim.
Hann gagnrýnir einnig RÚV fyrir að leggja mótmælin að jöfnu við komu Mike Pence varaforseta Bandaríkjanna, í fréttaflutningi sínum. Hann neitar hinsvegar fyrir að hann sé að gagnrýna að RÚV hafi látið líta út fyrir að mótmælin væru fjölmennari en þau hafi í raun verið.
Birtir Björn þessa mynd á Facebook, sem sýnir um 40-50 manns á Austurvelli í gær og skrifar:
„Hér er mynd af ruv.is af mótmælum gegn Mike Pence í dag. Mótmælin voru skipulögð af eftirfarandi samtökum: Samtök hernaðarandstæðinga, Trans Ísland, Menningar- og friðarsamtökin MFÍK, Samtökin ’78, Ungir Jafnaðarmenn, Æskulýðssamtök, Femínistafélag Háskóla Íslands, Ung vinstri græn – UVG, Kvenréttindafélag Íslands, Húmanistaflokkurinn, Ungir Píratar, og Jæja Samfélag. Svo virðist sem það séu fleiri samtök sem stóðu að mótmælunum en þeir sem tóku þátt í þeim.“
![\"\"](\"/static/files/bjorn-bjarnason.jpg\")
Í athugasemd við færslu sína segir Björn að auki:
„Já, það var undarleg frétt sem Sunna Valgerðardóttir flutti einkum með hliðsjón af þessari mynd. Hitt er síðan rétt að hafa í huga að ríkisútvarpið hefur lagt komu varaforsetans og mótmælin að jöfnu í fréttum sínum. Þess var rækilega getið í frásögnum af komu Pence að efnt yrði til mótmæla á Austurvelli kl. 17.30. Í samtali við mig í Kastljósi í gær var líka spurt um mótmælin eins og marktækan viðburð væri að ræða. Ég áttaði mig ekki á að svo væri. Ég sá hins vegar að Advania nýtti sér komu Pence í auglýsingaskyni með því að draga marglita fána að húni.“
Frá þessu er greint á vef DV. Hér má sjá fréttina í heild sinni.
