Mikil mildi þykir að ekki fór verr þegar bifreið með tveimur erlendum ferðamönnum fór út af veginum í sunnanverðum Fáskrúðsfirði í dag og féll 15 metra niður í fjöruna neðan við veginn.
Bíllinn er gjörónýtur, að sögn lögreglunnar á Fáskrúðsfirði, en rekja má slysið til aðstæðna þar sem flughált var á svæðinu eftir frostrigningu.Fólkið var á leið upp brekku þegar bifreið þeirra, sem var á ónegldum lélegum vetrardekkjum, snérist og rann á 40 til 50 km hraða fram af þverhnípinu, fór nokkrar veltur og hafnaði niður í fjöru.
Fólkið var fyrst flutt til aðhlynningar á Fáskrúðsfirði, en þaðan á Norðfjörð þar sem það verður undir eftirliti á sjúkrahúsinu. Hvorugt þeirra er alvarlega slasað en var eðlilega mjög brugðið.
