Björgunarsveitir frá Hellu og Flúðum voru í gærkvöld kallaðar út vegna bílslyss við Jökulheima. Bifreið hafði verið ekið fram af snjóhengju og slasaðist farþegi í framsæti.
Mbl.is sagði frá en skv. frétt vefmiðilsins gekk björgunarleiðangur vel. Ekki er nákvæmlega vitað um líðan þess sem slasaðist en hann var mjög kvalinn eftir því sem fram kom í frétt Ríkisútvarpsins.
Fyrr í gærkvöld sótti þyrla Landhelgisgæslunnar slasaðan vélsleðamann í Hrafntinnusker.
Einnig hafa orðið nokkur alvarleg slys í umferðinni á þjóðvegum landsins um helgina.
