Bestu fyrirtækin yfirgefa krónuna

Atvinnurekandinn Margrét Kristmannsdóttir veltir því fyrir sér í nýjasta pistli sínum á hringbraut.is hvort listi Creditinfo um fyrirmyndarfyrirtæki á Íslandi yrði ekki miklu, miklu lengri ef fleiri þeirra gætu gert upp í öðrum gjaldmiðli en krónunni.

Hún bendir á að aðeins 1,9% íslenskra fyrirtækja standist þau skilyrði sem Creditinfo setur fyrir því að kallast fyrirmyndarfyrirtæki, en hitt sé ekki síður áhugavert að skoða listann yfir þau fyrirmyndarfyrirtæki sem hafa átt kost á að yfirgefa krónuna og gera nú flest upp í evru eða dollar. Þau séu 30 að tölu: \"Það væri áhugavert að vita hversu mörg hinna 652 fyrirtækja á listanum myndu feta í fótspor þessara stórfyrirtækja og yfirgefa krónuna ef þeim stæði það til boða,\" skrifar Margrét og bendir á muninn: \"Að fjármagna rekstur með 1-2% vöxtum í stað 8-9% hlýtur að gjörbreyta allri ákvarðanatöku og afkomu.\"

Ságrætilegast sé til þess að vita að fjöldi þeirra fyrirtækja sem kæmist á fyrirmyndarlistann yrði miklu, miklu meiri ef íslenskur fjármagnskostnaður væri ekki að sliga rekstur þeirra, skrifar Margrét ennfremur og birtir lista yfir heppnu fyrirtækin á Íslandi:

\"Já – það hefur löngum verið munur á Jóni og Séra Jóni,\" skrifar Margrét um tvöfalda kerfið á Íslandi.