Forseti Frakklands Emmanuel Macron býður forseta Bandaríkjanna Donald J. Trump að halda með sér upp á þjóðhátíðardag Frakka í París hinn 14. júlí nk.
Tilefni stefnumótsins er sagt vera að nú er þess minnst að eitt hundrað ár eru frá því Bandaríkin sögðu keisaraveldinu Þýsklandi stríð á hendur hinn 6. apríl 1917 og bandarískir hermenn börðust milljónum saman á Vesturvígstöðvunum í Frakklandi.
Stefnumótið gefur Emmanule Macron kost á því að ræða í einrúmi við Donald J. Trump um mál sem Frakkland og Þýskaland setja á oddinn. Angela Merkel kanslari er gestgjafi Donald J. Trump í Þýsklandi í næstu viku þegar ríkisoddvitar G20 hópsins hittast í Hamborg. Þar mun kanslarinn eiga einkafund með Donald J. Trump um Parísarsamkomulagið um loftslagsmál og ástand og horfur á Sýrlandi og í Úkraínu.
Líkast til munu bæði kanslarinn og forseti Frakklands vilja tala forseta Bandaríkjanna ofan af því að Bandaríkin segi sig frá Parísarsamkomulaginu. Líka eru þau á því að bæta þurfi sambandið við Rússland og tímabært sé að aflétta öllum viðskiptaþvingunum ESB og NATO þjóða gegn Rússlandi.
Angela Merkle og Emmanuel Macron senda þess utan ESB-Evrópu og umheiminum þau skilaboð að þau séu að mynda sérstök tengsl við forseta Bandaríkanna og þannig snerpa á þeirri staðreynd að nú leiða Þýskland og Frakkland í sameiningu ESB inn á við og fara fyrir ESB út á við í alþjóðamálum. Þannig er aftur orðinn til sá París-Berlín möndull sem Charles de Gaule og Konrad Adenaur gerðu.
rtá
