Borgaryfirvöld í Berlín hafa bannað íbúðaleigu Airbnb til að koma í veg fyrir að verð á húsnæði fari upp úr öllu valdi fyrir íbúa borgarinnar. Ekki er það síst til að gæta hagsmuni leigjenda. Þetta kemur fram á ferðavefnum fararheill.is.
Umræða hefur farið fram um áhrif þess að selja út íbúðarhúsnæði hér á landi. Segir á fararheill.is að ákvörðun Berlínarbúa beri að lofa. \"Kannski hafa þarlendir fylgst með þróun mála í einu borg Íslands þar sem aumum borgaryfirvöldum dettur ekki í hug að hreyfa legg né lið mót því að annar hver eigandi fasteigna leigi þær út til ferðafólks og hækki með því leiguverð fyrir íbúa svo mikið að engu tali tekur. Nú þykja menn „heppnir“ að negla herbergi í Reykjavík undirhundrað þúsund krónum á mánuði,\" segir á vefnum.
Með ákvörðun Belrínarbúa er óheimilt að leigja íbúðir í borginni á Airbnb. Heimilt verður að uppfylltum skilyrðum að leigja út herbergi en aðeins ef búið er í þeirri íbúð sem um ræðir.
