Banaslys varð á sveitabæ í Meðallandi í Vestur-Skaftafellssýslu í gær þegar drengur á þriðja ári féll út úr dráttarvél og lenti undir malarvagni sem hún dró.
Lögregla og sjúkralið frá Kirkjubæjarklaustri og Vík var þegar kallað á vettvang en endurlífgunartilraunir báru ekki árangur og var drengurinn úrskurðaður látinn á vettvangi.
Rannsóknardeild lögreglunnar á Suðurlandi vinnur að rannsókn slyssins.
