Atvinnulífið er á dagskrá Hringbrautar kl. 20.00 í kvöld en þá heimsækir þáttastjórnandinn Sigurður K. Kolbeinsson Jarðboranir hf. og ræðir þar við Sigurð Sigurðsson forstjóra um starfsemi fyrirtækisins sem hefur m.a. haslað sér völl á erlendri grundu með þjónustu sína. Á Reykjanesi er um þessar mundir verið að bora dýpstu borholu landsins fyrir HS Orku með bornum Þór en samtímis er borað við Þeistareyki með bornum Óðni fyrir Landsvirkjun. Í þættinum verður m.a. útskýrt hvernig jarðborun fer fram og rætt við Sveinbjörn Bjarnason verkefnisstjóra á Þeistareykjum. Jarðboranir hófust fyrst á Íslandi árið 1945 og þá var fyrirætkið í eigu ríkisins en það breyttist með einkavæðingu í byrjun 10. áratugarins. Kvikmyndatöku annaðist Friðþjófur Helgason.
