Árið 2014 var afli íslenskra skipa tæp 1.077 þúsund tonn, 286 þúsund tonnum minna en árið 2013 að því er fram kemur í nýjustu tölum Hagstofu Íslands, en hún gefur árlega út ritið Afli, aflaverðmæti og ráðstöfun afla.
Aflaverðmæti nam rúmum 136 milljörðum króna og dróst saman um 11% frá fyrra ári. Stærsti hluti aflans var verkaður á Austulandi, að megninu til uppsjávarafli sem þar var landað. Stærstur hluti botnfiskaflans var unninn á höfuðborgarsvæðinu, 19,1% og á Suðurnesjum, 13,4%.
Verðmæti aukaafurða sem féllu til við vinnslu fiskaflans nam tæpum 5 milljörðum króna á árinu 2013 og stóð nokkurnveginn í stað á milli ára. Verðmæti aukaafurða telst ekki með inni í heildaraflaverðmæti.
