Miðstjórn Alþýðusambands Íslands harmar að Vinnumálastofnun hafi, þrátt fyrir ítrekaðar kröfur FFÍ og ASÍ, látið hjá líða að nota þau lagalegu úrræði sem stofnunin hefur til þess að stöðva ólöglega starfsemi Primera Air Nordic hér landi.
Þetta kemur fram í ályktun miðstjórnar ASÍ um starfsemi Primera Air Nordic í dag.
Af þeim ástæðum séu nú áhafnir þeirra flugvéla sem gerðar hafa verið út frá Íslandi strandaglópar erlendis, fólk sem greidd hafi verið smánarlaun og sem ranglega hafi verið skráð sem verktakar. Til viðbótar sé fjöldi Íslendinga nú strandaglópar erlendis vegna gjaldþrotsins.
Miðstjórn ASÍ skorar enn fremur á stjórnvöld að sjá til þess að Vinnumálastofnun sinni því eftirlitshlutverki sem stofnuninni er ætlað á íslenskum vinnumarkaði meðal annars til þess að koma í veg fyrir brotastarfsemi erlendra fyrirtækja og aðför þeirra að íslenskum vinnumarkaði.
Segir í ályktuninni að flugfreyjufélag Íslands og Alþýðusamband Íslands hafi undanfarin ár leitast við að stöðva ólöglega starfsemi Primera Air Nordic og félagsleg undirboð þess á íslenskum vinnumarkaði. Þegar starfsemi félagsins stöðvast nú vegna greiðsluþrots liggi fyrir boðun ótímabundinnar vinnustöðvunar frá og með 15. nóvember næstkomandi.
Nánar á
https://kjarninn.is/frettir/2018-10-03-asi-gagnrynir-vinnumalastofnun-vegna-primera-air/
