Árni steinar jóhannsson látinn

Árni Stein­ar Jó­hanns­son, fyrr­ver­andi alþing­ismaður, lést síðastliðið sunnu­dags­kvöld á dval­ar­heim­il­inu Dal­bæ á Dal­vík. Bana­mein hans var krabba­mein. Morgunblaðið í dag greinir frá þessu.

Árni Stein­ar var 62 ára gam­all en hann fædd­ist 12. júní árið 1953. Hann var fædd­ur og upp­al­inn á Dal­vík, son­ur hjón­anna Jó­hanns Helga­son­ar sjó­manns, sem fórst í sjó­slysi árið 1963, og Val­rós­ar Árna­dótt­ur versl­un­ar­konu sem lif­ir í hárri elli á Dal­vík að því er fram kemur í Morgunblaðinu.

Árni Stein­ar var menntaður garðyrkjumaður og sótti fram­halds­mennt­un í Land­búnaðarskól­an­um í Kaup­manna­höfn þar sem hann lauk námi árið 1979. Hann var garðyrkju­stjóri á Ak­ur­eyri frá 1979 til 1986 og um­hverf­is­stjóri bæj­ar­ins frá 1986 til 1999.

Hann var kjör­inn alþing­ismaður fyr­ir Vinstri­hreyf­ing­una – grænt fram­boð árin 1999-2003. Áður var hann í fram­boði fyr­ir Þjóðarflokk­inn árin 1987 og 1991 og fyr­ir Alþýðubanda­lagið árið 1995.

Eft­ir að þing­mennsku Árna Stein­ars lauk varð hann um­hverf­is­stjóri Fjarðabyggðar allt til dán­ar­dæg­urs. Á ár­un­um 2008-2014 var hann í stjórn Rarik og var auk þess stjórn­ar­formaður frá 2009 til 2014.

Árni Stein­ar var ógift­ur og barn­laus.