Ari Ólafsson sigraði í Söngvakeppni Ríkissjónvarpsins í gærkvöld með laginu Our Choice og verður því fulltrúi Íslands í Eurovision söngvakeppninni í Lissabon í maí. Lag og texti er eftir Þórunni Ernu Clausen.
Eftir að síma- og dómnefndaratkvæði höfðu verið talin voru Our Choice og lagið Í stormi, með Degi Sigurðssyni, efst og mættust því í einvígi. Þar hafði Ari betur. Alls tóku sex lög þátt i lokakeppninni í gærkvöld.
