Íslendingarnir tveir sem grunaðir er um að hafa orðið karlmanni að bana í bænum Mehamn í Norður-Noregi aðfararnótt laugardags verða leiddir fyrir dómara á morgun. Þar verður farið fram á gæsluvarðhald á grundvelli rannsóknarhagsmuna. Annar þeirra neitar sök í málinu.
Tilkynning um að maður hafi orðið fyrir skoti barst laust fyrir klukkan hálf sex á laugardagsmorgun. Þegar lögregla kom á vettvang fannst maður illa haldinn. Endurlífgunartilraunir báru ekki árangur og var hann úrskurðaður látinn á staðnum.
Maðurinn var fertugur Íslendingur, búsettur í Noregi. Sá sem lést og annar hinna handteknu eru bræður.
Nánar er fjallað um málið á RÚV.
