Rithöfundurinn, náttúruverndarsinninn og forsetaframbjóðandinn Andri Snær Magnason setti inn færslu á Twitter þar sem hann kemur með sitt innlegg á stóra Olís málinu.
Olís tilkynnti um breytingarnar á dögunum og sagði að markmið þeirra væri meðal annars að tengja útlit vörumerkja ÓB og Olís betur saman. Sitt sýnist þó hverjum og hafa miklar umræður skapast meðal grafískra hönnuða um umbreytingavegferð olíufélagsins.
Andri Snær segir að við eigum að vera löngu hætt að selja bensín og segir Olís vera hluti af hagsmunahópi sem tafið hefur umskiptin.
„Það ætti að vera bannað að auglýsa bensín eins og tóbak,“ segir Andri Snær. Hann veltir því síðan fyrir sér hvað Olís lifi lengi og hvort það muni lifa af breytinguna.
Innlegg í stóra Olís málið. Við eigum að vera löngu hætt að selja bensín, fyrirtækið er hluti af hagsmunahópi sem hefur tafið umskiptin. Það ætti að vera bannað að auglýsa bensín eins og tóbak. Hvað er líklegt að Olís lifi lengi og lifir það breytinguna? pic.twitter.com/2ArGcqbeSG
— Andri Snær Magnason (@AndriMagnason) May 7, 2022
