Alls óvíst er talið hvernig frumvarpi sjávarúrvegsráðherra um veiðigjöld reiði af innan atvinnuveganefndar Alþingis en meðal þingmanna nefndarinnar eru vægast sagt mjög skiptar skoðanir um áhrif þeirra á sjávarútvegsfyrirtæki landsins, hvort heldur er í uppsjávar- eða botnfiskveiðum. Veiðigjöldin hækka um einn milljarð samkvæmt vilja ráðherra og fara í nálega 11 milljarða króna, að viðbættu makrílverði sem er áætlað 1,5 milljarðar á árinu.
Samkvæmt heimildum á hringbraut.is eru sjálfstæðismenn á því að vel sé lagt í aukin veiðigjöld eins og frumvarp ráðherra gerir ráð fyrir og það geti einkum leikið minni útgerðarfélöginn grátt, en liðsmenn stjórnarandstöðunnar í nefndinni telja aftur á móti alltof skammt farið í gjaldheimtunni gagnvart stærstu útgerðarrisunum sem hvetr af öðrum skili milljarða hagnaði. Þeir benda ekki síst á væga gjaldtöku á veiðirétt makrílsins; hún sé langt undir raunverulegu markaðsvirði fisktegundarinnar sem hefur aflað uppsjávarfyrirtækjum yfir 20 milljarða á síðasta ári á meðan gjaldið eigi aðeins að vera rúmur milljarður.
Verulegur ágreiningur hefur verið á milli stjórnarflokkanna um fiskveiðimálin og stjórnun þeirra og hefur sterk forysta Jóns Gunnarssonar formanns atvinnuveganefndar farið nokk fyrir brjóstið á forystu Framsóknarflokksins að því er heimildir á hringbraut.is herma.
