Smokkasjálfsalar verða settir upp í öllum framhaldsskólum. Skólarnir fá smokkasjálfsala að gjöf og afhenti Þórólfur Guðnason, sóttvarnalæknir, fyrsta sjálfsalann í gær við athöfn í Menntaskólanum að Laugarvatni.
Verkefnið er samstarfsverkefni Ástráðs (kynfræðslufélag læknanema), Embættis landlæknis, Háskóla Íslands (fræðasvið um kynheilbrigði) og Kynís (Kynfræðingafélag Íslands) með styrk úr Lýðheilsusjóði.
Í erindi Þórólfs kom fram að embættið hefur séð talsverða aukningu í kynsjúkdómum á Íslandi sem og öðrum vestrænum löndum. Því er mikilvægt fyrir opinbera aðila að taka höndum saman og stöðva þessa þróun. Að gera smokka aðgengilegri fyrir ungt fólk er einn þáttur í því eins og kom fram í tillögum starfshóps sem settur var á laggirnar til þess að stemma stigu við útbreiðslu kynsjúkdóma hér á landi.
Nánar um þetta hér
