Löndin fimm hafa öll stutt viðskiptaþvinganir Evrópusambandsins gegn Rússum vegna hernaðarins í Austur-Úkraínu og innlimunar Krímskaga.
Gunnar Bragi segir í samtali við RÚV í dag niðurstöðuna vonbrigði: \"Mikil vonbrigði að sjálfsögðu. Við höfum gert allt sem við höfum getað til þess að lenda ekki á þessum lista og við höfum eins og allir vita átt í mjög góðu samtali við Rússa lengi. Við vitum í sjálfu sér ekki hvernig útfærslan verður á þessu, þannig að við þurfum að bíða og sjá. Við munum reyna að afla frekar upplýsinga í dag.“
Möguleikinn á þvingunaraðgerðum í garð Íslendinga hefur verið yfirvofandi um nokkurt skeið. Aðspurður um hvort tilbúin sé áætlun um hvernig brugðist verði við segist Gunnar Bragi lítið vilja tjá sig um það. Rétt sé að líta til annarra ríkja sem orðið hafa fyrir viðskiptabanni Rússa, eins og hann orðar það við miðilinn..
