Adolf Ingi Erlingsson leiðsögumaður, gagnrýnir tvö aðal söfn Vestmannaeyja fyrir að loka fyrir almenning, þar sem sjö manna hópur vildi ekki umgangast aðra.
Í pistli Adolfs á hópnum Bakland Ferðaþjónustunnar á Facebook, segir hann hann hafi átti æðislegan dag í Eyjum,
"Það eina sem skyggði á var að tvö aðal söfnin voru lokuð almenningi vegna þess að einhver sjö manna hópur þykist vera svo merkilegur að hann getur ekki um gengist venjulegt fólk. Forstöðumenn beggja safnanna björguðu okkur samt þannig að við gátum skotist í gegn. Hvað finnst fólki um það að loka fyrir almenning til að þjónka einhverju VIP liði?“
Adolf segir í samtali við blaðamann að hann hafi verið í nokkurra klukktíma stoppi, „Við vorum að reyna að ná að gera allt og er svolítið pirrandi að tvö aðal söfnin séu lokuð fyrir lítinn sjö manna prívat hóp, sem er svo merkilegt að það geti ekki verið innan um annað fólk."
Hann segir umrædd söfn væru Hvalasafnið og Eldheimar, og spyr hvað fólki finnist um þetta almennt fyrir ferðaþjónustuna á Íslandi. Eins hafa verslanir lokað fyrir litla hópa til að geta verslað í friði, og bitnar svo á almenningi og mögulega sölunni?
Adolf bætir við, „Fólk gæti sett á sig grímu og derhúfu eins og hefur verið nú á tímum heimsfaraldursins, þá þekkir það enginn. þetta er ekkert stórmál, bara leiðinlegt.“
