Sigmundur Davíð Gunnlaugsson fullyrti enn og aftur í Kastljósinu í gærkvöldi að hann hefði aldrei átt peninga í skattaskjóli.
Eins ótrúlega og þetta hljómar í eyrum annarra og er þvert á fram komin gögn, þá virtist Sigmundur trúa þessu sjálfur.
Og viti menn - tæknilega er þetta rétt hjá honum.
Peningarnir í eigu Wintris voru aldrei á Tortólu. Þeir voru á bankareikningum annars staðar enda er fátt um banka á eyjunni.
Wintris var hins vegar skráð á Tortólu og eini tilgangurinn með slíkri skráningu er að komast undan skattareglum og ákvæðum um upplýsingagjöf, svo sem ársreikninga, sem sjálfsögð þykja annars staðar.
Bóndinn á Hrafnabjörgum III er þess vegna tæknilega ekki að ljúga, þótt vitaskuld sé hann að því í reynd.
Og þess vegna virðist honum líka takast að trúa sjálfum sér - tæknilega.
