Þórður Snær Júlíusson skrifar fréttaskýringu um stjórnarmyndunarumboð Katrína Jakobsdóttur. Fyrir liggur að flokkarnir eru ósammála þegar kemur að mörgum fínni blæbrigðum stjórnmálanna. Þessu gerir Þórður Snær skil. Nánar á www.kjarninn.is
Rifja má upp það viðhorf Katrínar Jakobsdóttur að það sé styrkleiki fremur en veikleiki að meirihlutinn sé afar tæpur. Vanda þurfi vel til verksins.
Í raun sameinist þessir fjórir flokkar bara um að eitt að halda Sjálfstæðisflokknum frá völdum segir heimildarmaður Hringbrautar innan Sjálfstæðisflokksins.
Hér skal skotið inn í textann að heimildir Hringbrautar innan VG staðfesta að ríkar efasemdir eru um það innan VG að nokkuð sé að marka orð Pírata um að sá flokkur sé heill og staðfastur í þessum viðræðum. Mikil áhætta fylgi því að taka inn Pírata. Einkum hafa liðsmenn VG á landsbyggðinni ríkar efasemdir um heilindi Pírata.
Þórður Snær rifjar upp að VG voru með það á kosningastefnuskrá að leggja á eignaskatt og hátekjuskatt og auðlegðarskatt. VG eru sagðir til í að draga verulega úr þessum kröfum ef aðrar leiðir skila þeim markmiðum VG að að auka skatttekjur ríkissjóðs í fjárfestingar VG í þeim málum sem hugsanleg ríkisstjórn VG hefur þegar náð saman um.
