800 ný störf gætu orðið til í iðnaði á næstu misserum gangi öll áform um uppbyggingu kísilvera eftir.
Fréttastofa RÚV greinir frá því að 220 milljarða fjárfesting í stóriðjuverkefnum sé nú þegar hafin eða muni hefjast innan tíðar. Um er að ræða þrjár kísilverksmiðjur, sólarkísilverksmiðju á Grundartanga og þrjár virkjanir.
Kísilverksmiðjurnar þrjár eru staðsettar í Helguvík og á Bakka. Gangi áform eftir taka þær til starfa á næstu þremur árum og er áætlað að samtals muni um 800 manns starfa við framleiðslu þeirra. Samkvæmt frétt RÚV gæti sú tala hækkað í náinni framtíð, en nú þegar eru uppi hugmyndir um stækkun allra kísilveranna þriggja. Þegar hefur verið auglýst eftir verkfræðingum, rafvirkjum, vélvirkjum og vélstjórum í störf í verksmiðjunum og í sum störf er ekki krafist menntunar.
